Анонс фотавыставаў ад kahaniec

Нацыянальны музей гісторыі і культуры Беларусі (вул. К. Маркса, 12)

23 - 30 верасня

У рамках праекту Фотаклуба "Мінск" Творчасьць бяз межаў

Фотавыстава Надзеі Дзегцяровай (Домохозяйка на photoclub.by)
На мой погляд, адна з самых лепшых фатографаў на photoclub.by і ў ФК "Мінск".

Адкрыцьцё 23 верасня ў 17.00

---

Галерэя візуальных мастацтваў NOVA
Цэнтральнай публічнай бібліятэкі ім. Янкі Купалы (вул. Веры Харужай, 16)

24 верасня – 12 кастрычніка

Я ЁСЦЬ
Фатаграфіі Машы Харчанка

Адкрыцьцё 24 верасня ў 18.00.

Наперадзе іх чакае жыцьцё. Якім яно будзе? Сьветлым ці цёмным? Лёгкім ці цяжкім? Гэтага ня ведае ніхто.
Яны пакуль толькі пачынаюць свой шлях. І ўжо па-рознаму.
Хто яны?

Нашыя дзеці.

Валанцёрская ініцыятыва "разам_дзецям" запрашае на фотавыставу "Нашыя дзеці". Зазірніце ў свет дзяцей, што жывуць побач з вамі.


27 верасня - 4 кастрычніка, кінатэатр "Перамога", вул Інтэрнацыянальная, 20.
Прэзентацыя 27 верасьня ў 18 00.

Чакаем!

Адсюль via viatryska

Часопіс “Дзеяслоў” абвяшчае конкурс літаратурна-крытычных твораў на тэму: “Беларуская літаратура ХХІ стагоддзя: постаці, тэндэнцыі, персьпектывы”.
Да конкурсу прымаюцца літаратурна-крытычныя артыкулы, эсэ, рэцэнзіі, якія асьвятляюць сучасны літаратурны працэс. Да ўдзелу запрашаюцца маладыя крытыкі і літаратуразнаўцы, якія пішуць на беларускай мове.
Для пераможцаў конкурсу будзе зладжаны семінар з майстар-класамі вядомых беларускіх літаратараў і крытыкаў.
Па выніках конкурсу будзе выдадзеная кніга.
Склад журы конкурсу: Міхась Тычына, Алесь Пашкевіч, Сяргей Дубавец, Ірына Шаўлякова, Анатоль Івашчанка.
Тэрмін падачы твораў: з 1 верасьня 2008 г. да 1 лютага 2009 г. Дасылаць творы можна ў электронным (пажадана) ці рукапісным выглядзе на адрасы: dzieja-konkurs@tut.by альбо 220025, г. Менск-25, а/с 91 з пазнакай “для конкурсу”.
Дзейнічайце!
http://www.dziejaslou.by/

Адсюль.

Кніга ўспамінаў Дануты Бічэль “Хадзі на мой голас” (328 ст.) з’яўляецца другой кнігай ГАРАДЗЕНСКАЙ БІБЛІЯТЭКІ, заснаванай Гарадзенскім Рухам “За Свабоду” пад патранатам Аляксандра Мілінкевіча.

Прэзентацыя, у якой возьме ўдзел Данута Бічэль, адбудзецца ў Гродна ў чацвер 18 верасня, 18.30, па адрасе: вул. Будзёнага 48а-44 (памяшканне Таварыства беларускай школы).

Уваход вольны. Вы зможаце атрымаць кнігу з асабістым аўтографам аўтаркі!

Падрабязней пра кнігу на http://www.kamunikat.org/7022.html

Узята адсюль via prosta_tak

11 верасня а 18-й гадзіне на сядзібе ТБМ (Румянцава, 13) адбудзецца арганізацыйны сход для тых, хто жадае наведваць курсы па беларускай мове.

via

ПАЭТЫЧНЫ ТЭАТР “АРТ.С”
у Літаратурным музеі Максіма Багдановіча

п р а д с т а ў л я е
задыякальна-паэтычны праект “12 сузор’яў”
Сустрэча дзесятая: Панны

У вечарыне бяруць удзел:
- актрыса (заслужаная артыстка Беларусі) Ларыса ГОРЦАВА,
- дырэктарка Літаратурнага музея Максіма Багдановіча Тацяна ШЭЛЯГОВІЧ,
- пісьменнікі Уладзімір АРЛОЎ, Галіна КАРЖАНЕЎСКАЯ, Анатоль КУДЛАСЕВІЧ, Янка ЛАЙКОЎ, Вячаслаў ЛАПЦІК, Рагнед МАЛАХОЎСКІ, Юрась НЕРАТОК, Андрэй ЦЯЎЛОЎСКІ,
- журналіст Міхась ШАВЫРКІН.

☼ Астролаг Алена МЕЛЬНІКАВА распавядзе цікавосткі з гараскопу вядомай класічнай беларускай Панны Наталлі АРСЕННЕВАЙ.

Вядоўцы: Зміцер АРЦЮХ і Аксана СПРЫНЧАН
Чакаем 10 верасня 2008 года ў 18.10
вуліца Багдановіча, 7а

via vika_trenas

БЕЛАРУСКІ КАЛЕГІЮМ

прапануе дадатковае навучаньне па спэцыялізацыях:
- журналістыка
- найноўшая гісторыя
- філязофія/літаратура
Навучаньне ў БК - бясплатнае
Запіс на сумоўе па 29 верасьня 2008г.
Падрабязнасьці пра працэс паступленьня тут
Дадатковая інфа пра БК тут

Заўтра а шасьці гадзін вечара на Курапатах адбудзецца традыцыйнае ўшанаваньне памяці ахвяр камуністычных рэпрэсіяў. Збор у 17:10 на Сядзібе БНФ.

via coipish

Заўтра 16 жніўня а 13.00 у парку "Дрымлэнд (вул. Арлоўская, 80) адбудзецца акцыя, прысьвечаная Дню беспрытульных жывёлаў.

Арганізатары акцыі -- Грамадзкае аб'яднаньне Абароны Жывёлаў "Эгіда, Дзяржаўнае прадпрыемства "Фаўна горада" і парк атракцыёнаў "Дрымлэнд".

Мэта акцыі -- прыцягнуць увагу да праблемаў беспрытульных жывёлаў.

Чакаюцца розныя конкурсы і выступы з удзелам жывёлаў, музычнае суправаджэньне, папкорн і г.д.

Уваход бясплатны.

Падрабязнасьці тут.

via nikavera адсюль

19 верасьня Менск - КЗ Мінск 19.00

Прымуць удзел:

Виталик АРТИСТ
По Глазам
Дрозды
NEO
Крама
Гроши
Маркуц band
Руся
Шарма
Esprit
Зьміцер Вайцюшкевіч
Палац
Клёндайк
Атморави
Naka
Серебряная свадьба

Падрабязнасьці

Паэтычны тэатр “Арт.С”
у Літаратурным музэі Максіма Багдановіча
п р а д с т а ў л я е
задыякальна-паэтычны праект
“12 сузор’яў”
Сустрэча дзевятая: Львы
У вечарыне бяруць удзел
- музыка: Яраш МАЛІШЭЎСКІ.
- філёзаф: Алесь АНЦІПЕНКА.
- мастак Уладзімір ПРАКАПЦОЎ.
- пісьменьнікі і літаратуразнаўцы: Аксана БЯЗЬЛЕПКІНА, Анатоль ВЕРАБЕЙ, Зьміцер ВІШНЁЎ, Галіна ДУБЯНЕЦКАЯ, Анатоль КАЗЛОЎ,
Адам МАЛЬДЗІС, Лера СОМ, Ірына ШАЎЛЯКОВА.
— Паэт Мікола КАНДРАТАЎ распавядзе цікавосткі з гараскопу клясычнага беларускага прадстаўніка
сузор’я Леў Янкі БРЫЛЯ.
Вядоўцы: Зьміцер АРЦЮХ і Аксана СПРЫНЧАН
Ч А К А Е М 21 жніўня 2008 года а 18.00
у музэі Максіма Багдановіча на вуліцы Багдановіча, 7а

via vika_trenas

Усім прыхільнікам паэзіі і спаборніцтваў нагадваю, што сёньня Першы беларускі слэм.

Імпрэза адбудзецца у фальварку "Добрыя мысьлі"(Магілёўская, 12). Пачатак а 20.00. Вядоўца -- Андрэй Хадановіч. Дарэчы, у яго жж зьявіўся сьпіс удзельнікаў спаборніцтва:

Ягор Бабій
Вера Бурлак
Віктар Жыбуль
Глеб Лабадзенка
Валярына Кустава
Віктар Лупасін
Уладзь Лянкевіч
(увага, не прапусьціце!) Сяргей Патаранскі
Зьміцер Плян
Сяргей Прылуцкі
Ярыла Пшанічны
Віталь Рыжкоў
Дзьмітрый Строцаў
Павал Сьвярдлоў
Андрэй Такінданг
Анка Упала
Расійскія госьці Аляксандар Пераверзін і Сяргей Шабуцкі.

Інфа адсюль

Добрыя навіны ад Андрэя Хадановіча khadanovich:

"Яшчэ дзьве кнігі беларускіх літаратараў выйшлі ў Польшчы, ва Ўроцлаве. Гэта кніга эсэістыкі Ігара Бабкова "Каралеўства Беларусь" (у перакладах Яна Максімюка) і зборнік апавяданьняў Альгерда Бахарэвіча "Талент заіканьня" (у перакладах Катажыны Бартноўскай, Катажыны Квяткоўскай і Марыі Луцэвіч)."



А таксама "ў Польшчы выйшлі дзьве анталёгіі беларускай паэзіі, падрыхтаваныя шаноўнымі Лявонам Баршчэўскім зь беларускага боку і Адамам Паморскім з польскага. Першая - фундамэнтальная таміна з паэзіяй 15-20 ст.: ад "Пахвалы Вітаўту" і "Песьні пра зубра" да нашых дзён. Панятак "беларуская" сп. Лявон разумеў досыць шырока, таму ў кнізе сабраныя пераклады ня толькі зь беларускай, але й лацінскай, старабеларускай, царкоўнаславянскай, польскай моваў.

Другая кніга - падрыхтаваны Адамам Паморскім дадатак да першай - толькі сучасныя аўтары, сярод якіх Уладзімір Някляеў, Алесь Разанаў, Надзея Артымовіч, Алег Мінкін, Уладзімер Арлоў, Валянціна Аксак, Рыгор Сітніца, Алесь Чобат, Адам Глобус, Анатоль Сыс, Ігар Бабкоў, Віктар Сьлінко, Андрэй Хадановіч, Вера Бурлак, Вальжына Морт, Анатоль Івашчанка".

Па словах Алеся Аркуша, 5 ліпеня ў Полацку адбудзецца ўручэньне літаратурнай прэміі "Гліняны Вялес" паэту Алегу Мінкіну за кнігу "Пэнаты".

Плянуецца выпуск афіцыйнай лякалізацыі ICQ па-беларуску

Знойдзена, дзякуючы palitekanom, у бай_мова

28-29 чэрвеня ў Гродне ў межах кампаніі па абароне гістарычнай спадчыны горада, пройдзе грамадская фотаакцыя “Адкрый Новы Свет”. Мэта акцыі – прыцягнуць увагу жыхароў горада да планаў гарадскіх уладаў па рэканструкцыі гарадскога квартала прыватных забудоваў пачатку ХХ ст., вядомага пад назвай “Новы Свет”.

( ... )

інфа via jil_ka Адсюль

Усім прывітаньне! :)